37-vjeçari Armando Zajsi i zhdukur në Liqenin e Ulzës

ULËZ — Grupet e kërkim-shpëtimit kanë vazhduar të mërkurën, 17 qershor 2026, punën për gjetjen e trupit të Armando Zajsit, 37 vjeç, i cili u mbyt në ujërat e liqenit të Ulzës pasditen e së hënës, 15 qershor. Palumbarët e forcave RENEA, të Forcave Speciale Detare dhe të Forcave të Armatosura kanë bërë krehjen e zonës ku 37-vjeçari u mbyt pasi u rrëzua nga mjeti lundrues tip Jetsci. Kërkimet nuk kanë dhënë rezultat deri më tani, ndërsa pritet të përdoret edhe një dron nën ujor i ardhur nga Forcat Detare të Vlorës për të ndihmuar në lokalizimin e trupit.

Familjarët e 37-vjeçarit Zajsi janë duke ndjekur operacionin me stres dhe shpresojnë të përfundojë sa më parë. Armando Zajsi kishte shkuar me një grup miqsh në Ulëz dhe ka hyrë në ujë për të lundruar me mjetin jetsci, ku është rrëzuar prej tij dhe ka rënë në ujë. Teksa ka notuar për disa metra që të ngjitej përsëri mbi motorrin e ujit, ai është zhytur për të mos u gjetur më. Tentativa e miqëve nga bregu i liqenit ka qenë e paarritshme për shkak se kur kanë shkuar pranë mjetit në ujë, nuk e kanë parë më 37-vjeçarin që kishte humbur në thellësi të liqenit.

Sipas ekspertëve, gjetja e trupit të 37-vjeçarit është një operacion i vështirë për shkak se thellësia arrin deri në 40 metra dhe zona është shumë afër digës së hidrocentralit të Ulzës, ku rrymat e forta dhe rrethanat e thellësisë komplikojnë punën e palumbarëve. Kjo situatë tregon se sa i rrezikshëm mund të jetë sporti ujor pa mbikëqyrje në infrastruktura që nuk janë projektuar për argëtim.

Burim: BalkanWeb
— Redaksia ZHURMA