Pse Hoti e quan anti-amerikane refuzimin e gazit nga Qeveria?
Deputeti i LDK-së thotë se vendimi i Qeverisë nuk mbështetet në asnjë argument ekonomik dhe minon qëndrueshmërinë e Kosovës.
PRISHTINË — Avdullah Hoti, deputet i zgjedhur i Lidhjes Demokratike të Kosovës, e ka quajtur refuzimin e projektit amerikan të gazit "agjendë e mbrapshtë anti-amerikane". Këtë e ka deklaruar në një postim në Facebook, ku ka thënë se vendimi i Qeverisë nuk mbështetet "në asnjë argument ekonomik".
"Përgëzoj analistët e shumtë dhe mediat, të cilët po e sqarojnë në mënyrë profesionale dhe të pavarur se refuzimi i gazit amerikan nuk mbështetet në asnjë argument ekonomik, por në thelb buron nga një agjendë e mbrapshtë antiamerikane", ka shkruar Hoti.
Hoti ka shtuar se "ndjekja e agjendave antiamerikane e minon qëndrueshmërinë ekonomike dhe politike të Kosovës", duke mbyllur postimin me: "Dihet se kujt i intereson kjo agjendë."
Burim: Insajderi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.