Italia e dëboi dy herë shqiptarin 58-vjeçar
Pse u rikthye ilegalisht një shqiptar i dëbuar me ndalim hyrjeje deri në 2028?
TREVIZO — Policia italiane ka arrestuar për të dytën herë një shtetas shqiptar 58-vjeçar, i cili ishte dëbuar nga Italia me urdhër të Prefektit të Milanos në maj 2023. Ai u zbulua të martën në një furgon me 18 pasagjerë të tjerë shqiptarë në zonën e Trevizos, pasi kishte hyrë ilegalisht në vend.
58-vjeçari kishte ndalim të plotë hyrjeje në Itali deri në vitin 2028, pas dënimesh të formës së prerë për rezistencë ndaj arrestimit, fyerje zyrtari publik, grabitje dhe shkelje pronës. Dëbimi i tij kishte ekzekutim të menjëhershëm dhe shoqërim deri në kufi.
Arrestimi i ri u bë në flagrancë. Autoritetet e policisë së Udines i kanë caktuar një ndalim të mëtejshëm hyrjeje në zonën Shengen për pesë vitet e ardhshme, duke e shoqëruar përsëri drejt kufirit.
Burim: Gazeta Express
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.