Çfarë kushte vendosi Ministria për hedhje ligjore të mbeturinave?
Qytetarët mund ta hedhim mbeturinat në deponitë sanitare në katër lokacione çdo të shtunë, me pagesa të kartës bankare.
PRISHTINË — Për herë të parë, qytetarët mund të dorëzojnë mbeturinat në deponitë sanitare të Kompanisë për Menaxhimin e Deponive në Kosovë (KMDK). Ministria e Mjedisit nënvizoi se ky është hap drejt eliminimit të deponive ilegale dhe krijimit të sistemit të rregullt, të sigurt për menaxhimin e mbeturinave.
Pranimi do të bëhet në deponitë në Mirash, Landovicë, Velekincë dhe Dumnicë, çdo të shtunë nga ora 08:00 deri në 16:00. Tarifa do të jetë 10.31 euro për ton, me pagesë vetëm me kartë bankare. Në deponi do të lejohen vetëm mbeturinat e parrezikshme sipas legjislacionit në fuqi.
Mbeturinat e rrezikshme, toksike, spitalore dhe shpërthyese nuk do të pranohen në deponi. Ministria paralajmëron se çdo hedhje e mbeturinave në natyrë apo në vende të papërshtatshme do të trajtohet me tolerancë zero dhe do të ndëshkohet sipas legjislacionit në fuqi. Mbrojtja e mjedisit është përgjegjësi e secilit.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.