Pse Matoshi i 'kapet' LDK-së: Hoti thotë protestë, Haziri koalicion?
Matoshi publikon në Facebook mesazhet kontradiktore të Hotit dhe Hazirit karshi partisë në pushtet.
PRISHTINË — Adriana Matoshi, deputete e zgjedhur e Lëvizjes Vetëvendosje, ka postuar në Facebook duke vënë në dukje dy pozicione të kundërta brenda LDK-së: Avdullah Hoti dhe Lutfi Haziri po i qasen krejtësisht ndryshe raportit me partinë në pushtet.
Hoti ka paralajmëruar protestë lidhur me refuzimin e projektit të gazit amerikan nga Qeveria Kurti, ndërsa Haziri ka kërkuar marrëveshje gjithëpërfshirëse për tejkalimin e ngërçit institucional.
"Dulla thotë duhet me protestuar kundër Albinit. Luta nga ana tjetër thotë duhet me bërë koalicion me Albinin. Koncentrohuni, o burra, se as elektorati juaj nuk e di çka po doni, e lënë mo na" — kështu i drejtohet Matoshi LDK-së. Hoti e Haziri, të dy deputetë të zgjedhur, mbeten me qëndrime krejtësisht të kundërta.
Burim: Insajderi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.