Çfarë i premtoi Ismail Kartali sulmuesit Vedat Muriqi?
Sulmuesi kosovar është rikthyer te gjiganti turk Fenerbahçe, ku trajneri i tij i premtoi se do të shpallen kampionë për të thyer hegjemoninë e Gallatasarait.
STAMBOLL — Sulmuesi i përfaqësueses së Kosovës, Vedat Muriqi, është rikthyer zyrtarisht te skuadra e Fenerbahçes. Reprezentuesi kosovar kishte luajtur edhe më parë për ekipin e njohur nga Stambolli, që gjatë këtij sezoni po kërkon me ngulm të thyejë hegjemoninë e rivalëve të përbetuar të Gallatasarait.
Gjatë një bisede mes tyre, trajneri Ismail Kartali i ka premtuar sulmuesit se ky sezon do të kurorëzohet me titullin kampion. Kartali u shpreh se duhet t'u sjellin buzëqeshje tifozëve dhe komunitetit, ndërsa Muriqi iu përgjigj duke thënë se të gjithë kanë nevojë për këtë triumf.
Burim: Sportekspres
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.