Çfarë mesazhi përcjell në Mitrovicë murali "Çast"?
U.D. e Presidentes Albulena Haxhiu mori pjesë në përurimin e veprës që u kushtohet të mbijetuarve të dhunës seksuale gjatë luftës.
MITROVICË — Në qytetin e Mitrovicës është përuruar murali i titulluar „Çast“, një projekt artistik i dedikuar posaçërisht të mbijetuarve të dhunës seksuale gjatë luftës së fundit në Kosovë. Në këtë ceremoni mori pjesë ushtruesja e detyrës së Presidentes së Kosovës, Albulena Haxhiu. Mitrovica është qyteti i radhës që i bashkohet këtij rrugëtimi ndërgjegjësues, pas Prishtinës, Pejës dhe Therandës.
Kjo vepër publike synon të thyejë heshtjen kolektive duke e sjellë të vërtetën e dhimbshme aty ku rreh pulsi i qytetit dhe jetës së përditshme. Rrugëtimi i këtij murali vjen si një tjetër përpjekje për të mos heshtur ndaj krimeve të luftës, ngjashëm me mesazhin që përcolli edhe ekspozita „Sy më sy“ e organizuar më parë.
Haxhiu shprehu falënderim të veçantë për ish-presidenten Atifete Jahjaga dhe Fondacionin Jahjaga për punën e tyre në kthimin e kësaj të vërtete në art kombëtar. Sipas saj, kujtesa për këto krime nuk duhet të mbetet vetëm pjesë e fjalimeve zyrtare apo përvjetorëve, por duhet të jetë e pranishme në çdo hap shoqëror.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.