Çfarë prioritete ka Ferit Hoxha pas katër muajve në krye të diplomacisë?
Ministri për Europën dhe Punët e Jashtme radhit mbështetjen për Kosovën dhe integrimin në BE si pikat qendrore të punës së tij.
TIRANË — Ministri për Europën dhe Punët e Jashtme i Shqipërisë, Ferit Hoxha, ka publikuar një bilanc të punës së tij gjatë katër muajve të parë në krye të këtij dikasteri. Përmes një postimi të Ministrisë, Hoxha vë në dukje një aktivitet intensiv me dhjetëra vizita ministeriale dhe pjesëmarrje në forume ndërkombëtare.
Ministri ka zhvilluar takime me të gjithë 27 ministrat e Jashtëm të vendeve anëtare të Bashkimit Evropian. Ndër prioritetet kryesore që udhëheqin diplomacinë shqiptare në këtë periudhë, ai radhit rrugën drejt anëtarësimit në BE, forcimin e sigurisë dhe përmirësimin e shërbimeve konsullore për qytetarët.
Një pjesë qendrore e këtij bilanci mbetet mbështetja për Kosovën dhe roli i faktorit shqiptar në rajon, së bashku me angazhimin për diasporën. Ministria shoqëroi këtë përmbledhje me një video që dokumenton takimet e zhvilluara nga Hoxha gjatë këtyre muajve të parë në detyrë.
Burim: Gazeta Metro
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.