Pse thotë Hoti se qeveria e Kurtit shpërdoroi marrëveshjen e gazit amerikan?
Ish-kryeministri thotë se mosrespektimi i marrëveshjes së Uashingtonit ka kushtuar Kosovës qindra miliona euro në importe energjie.
PRISHTINË — Ish-kryeministri Avdullah Hoti ka deklaruar se marrëveshja e nënshkruar në Shtëpinë e Bardhë në 2020 parashihte ndërtimin e rrjetit dhe një centrali energjetik me gaz amerikan, i cili do të ishte komplementar me termocentralet ekzistuese dhe do të rriste prodhimin e energjisë.
"Por, kjo marrëveshje nuk u respektua nga Qeveria e Kosovës që mori detyrën në mars 2021", tha Hoti. Sipas tij, për pasojë "Kosova importon qindra miliona euro energji elektrike në vit, me kontrata dhe kompani që kanë ngritur shumë dyshime në publik".
Hoti iu referua edhe pozicionit të VV-së në atë kohë, duke thënë se partia që sot është në pushtet kishte protokolluar rreth 10 kërkesa për interpelancë në Kryesinë e Kuvendit, duke e quajtur marrëveshjen e dëmshme. Sipas Hotit, qëllimi i tyre ka qenë "pamundësimi i pavarësisë energjetike të Kosovës".
Burim: RTV21
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.