Kur rikthehet "Kanga Jonë 2026" në Prishtinë?
Koncerti tradicional kushtohet Muharrem Qenës, Pranvera Badivukut dhe Reshat Randobravës, me artistë si Aurela Gaçe e Elina Duni.
PRISHTINË — Koncerti tradicional “Kanga Jonë 2026” do të mbahet më 24 qershor në Sheshin Skënderbeu, në kuadër të aktiviteteve të muajit të çlirimit dhe nën patronatin e Kryeqytetit.
Edicioni i sivjetmë i kushtohet tre emrave të njohur të muzikës shqiptare: Muharrem Qenës, Pranvera Badivukut dhe Reshat Randobravës. Në skenë do të performojnë Aurela Gaçe, Alma Bektashi, Vesa Luma, Alban Nimani, Elina Duni, Den Abazi, Jehona Sopi dhe Adhurim Grezda.
Artistët do të sjellin këngë të muzikës shqiptare të viteve ’60 dhe ’70, të shoqëruara nga Orkestra Libertas nën dirigjimin e Edon Ramadanit. Koncerti nis në orën 20:30, me Vesa Lumën dhe Drini Zeqon si moderatorë.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.