Faton Klinaku e kishte përgenjështuar Goxhajn tri vjet më parë
Pse heshtën institucionet kur ish-kreu i Veteranëve denoncoi publikisht Dritan Goxhajn?
PRISHTINË — Ish-kryetari i Organizatës së Veteranëve të UÇK-së, Faton Klinaku, e kishte përgenjështuar publikisht Dritan Goxhajn që në vitin 2023, duke e cilësuar si jo-veteran të luftës dhe duke mohuar çfarëdo aplikimi për status të tillë.
"Së pari, Dritan Goxhaj nuk e di se është veteran i luftës së UÇK-së dhe as që ka aplikuar për një status të tillë", kishte shkruar Klinaku në një reagim të drejtpërdrejtë.
Klinaku e kishte lidhur denoncimin e tij me arrestimin e padrejtë të Hysni Gucatit e Nasim Haradinajt nga Gjykata Speciale, duke e quajtur skandal që dhomat e Hagës i kishin bërë publike vetë.
Sot Klinaku ka rikthyer reagimin: "Kur unë para 3 viteve e kam thënë që x personi nuk është veteran i luftës së UÇK-së, jo vetëm pse heshtnin disa, por akuzohesha unë". Tani, shtoi ai, "të tjerët (disa të njëjtë që më akuzonin mua atëherë) po tregojnë e flasin me fakte për këtë që thoja unë dikur".
Ky zhvillim nxjerr në pah se një pretendim i tillë nuk u trajtua institucionalisht kur u bë, por po merr vëmendje tani kur po flitet publikisht.
Burim: Lajmi.net, https://lajmi.net/ish-kryetari-i-veteraneve-edhe-para-tri-vitesh-tregoi-se-dritan-goxhaj-nuk-ishte-pjese-e-uck-se/
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.