LAMM: Qarkullimi në rrugët shtetërore zhvillohet pa pengesa
Cilat janë akset rrugore në Maqedoninë e Veriut ku shoferët duhet të kenë kujdes të veçantë?
SHKUP — Komunikacioni në të gjitha rrugët shtetërore të Maqedonisë së Veriut po zhvillohet pa pengesa dhe në kushte të mira, me rrugë të thata e intensitet mesatar të trafikut jashtë zonave urbane. Lidhja Auto-Moto e Maqedonisë (LAMM) njofton se në vendkalimet kufitare nuk ka pritje të gjata për hyrje apo dalje.
LAMM u bën thirrje drejtuesve të automjeteve që të përshtatin shpejtësinë e lëvizjes dhe të respektojnë rreptësisht sinjalistikën rrugore. Kujdesi duhet shtuar sidomos në segmentet që kalojnë nëpër lugina e rrjedha lumenjsh, ku ekziston rrezik për rrëshqitje të dheut.
Akset rrugore Katllanovë–Veles, Mavrovë–Dibër–Strugë, Vinicë–Berovë dhe Koçan–Dellçevë janë veçanërisht të rrezikuara nga shembjet e gurëve e shembjet e dheut. LAMM këshillon shoferët të lëvizin me kujdes maksimal gjatë kalimit në këto zona.
Burim: Almakos
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.