Si u tentua kontrabandimi i 199 flakonave botoks në Shkup?
Dogana e Maqedonisë së Veriut ka ngritur padi penale ndaj një mjeku dhe një infermiereje të Qendrës Klinike 'Nënë Tereza' për import të paligjshëm.
SHKUP — Dogana e Maqedonisë së Veriut ka ngritur padi penale ndaj një mjeku dhe një infermiereje të punësuar në Qendrën Klinike Universitare “Nënë Tereza”. Ata akuzohen për përpjekje për të kontrabanduar 199 flakona botoks, me një vlerë të përgjithshme prej 615 mijë denarësh, apo rreth 10 mijë eurosh.
Sipas hetimeve paraprake, mjeku i dyshuar e kishte porositur dërgesën e botoksit nga një kompani në Republikën e Koresë, duke rënë dakord që malli të deklarohej si 10 produkte kozmetike me vlerë 80 dollarë. Më pas, ai i kishte kërkuar infermieres që të nënshkruhej si pranuese e kësaj dërgese postare.
Infermierja kishte pranuar që porosia të dërgohej në emrin e saj dhe e ka paguar atë përmes llogarisë së saj të transaksionit. Dërgesa u zbulua gjatë një kontrolli të detajuar nga doganierët e Shkup 1, të cilët ndaluan importin e paligjshëm që mund të rrezikonte shëndetin e qytetarëve.
Ky është rasti i dytë këtë vit i importit të paligjshëm të ilaçeve estetike në vend, pas arrestimit të 14 personave në prill nga klinika të tjera në Shkup. Hetimet e mëparshme po zhvillohen ndaj 19 personave dhe gjashtë subjekteve juridike për kontrabandim të ngjashëm.
Burim: Almakos
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.