Kur do të performojë Rita Ora në Ohër për turneun e saj veror?
Ylli shqiptar me famë botërore ka konfirmuar zyrtarisht koncertin e saj më 1 gusht në Ohër, si pjesë e turneut të ri veror.
OHËR — Këngëtarja me famë botërore, Rita Ora, ka nisur zyrtarisht turneun e saj veror për vitin 2026, duke filluar me një koncert të parë në festivalin e njohur britanik, Isle of Wight Festival. Ky koncert shënon hapjen zyrtare të një sezoni intensiv performancash për artisten shqiptare në qytete të ndryshme evropiane.
Artistja ka konfirmuar tashmë të gjitha datat e koncerteve të saj përgjatë muajve të ardhshëm. Për fansat shqiptarë në rajon, vëmendje të jashtëzakonshme ka marrë data e koncertit të saj në Ohër të Maqedonisë së Veriut, ku Ora do të ngjitet në skenë më 1 gusht të këtij viti.
Ky koncert do të organizohet në kuadër të edicionit të sivjetmë të festivalit tradicional “Ohrid Summer Festival”. Detajet e këtij eventi pritet të qartësohen më tej, duke konfirmuar gatishmërinë e skenës verore për të mirëpritur një nga emrat më të mëdhenj të muzikës pop globale.
Burim: IndeksOnline
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.