Sa u rrit sektori i bujqësisë në Kosovë gjatë vitit 2025?
Agjencia e Statistikave të Kosovës ka publikuar të dhënat e reja që tregojnë një rritje të lehtë të sipërfaqes së tokës dhe prodhimit të qumështit.
PRISHTINË — Agjencia e Statistikave të Kosovës ka publikuar rezultatet e Anketës së Ekonomive Bujqësore 2025, e cila tregon një rritje të moderuar të sektorit. Sipas raportit, sipërfaqja e përgjithshme e shfrytëzuar e tokës bujqësore arriti në 420.739,57 hektarë, ose vetëm 0,1% më shumë se në vitin 2024.
Livadhet dhe kullosat mbeten kategoria kryesore me 51,5% të tokës së shfrytëzuar, ndërsa tokat e punueshme përbëjnë 45%. Drithërat dominojnë tokën e punueshme me 128.190,63 hektarë, ku gruri mbetet kultura kryesore me 82.633,65 hektarë.
Në blegtori, fondi fizik u rrit në 3.956.104 krerë, njësi ose koshere, apo 4,7% më shumë se një vit më parë. Megjithatë, rritja në Njësi Blegtorale ishte vetëm 1,1%, duke treguar se zgjerimi numerik nuk është përkthyer plotësisht në zhvillim strukturor.
Gjedhet mbeten baza kryesore e sektorit. Prodhimi i qumështit arriti në 360,2 milionë litra, me një rritje prej 12,4%, ndërsa prodhimi i mishit karkas brenda ekonomive bujqësore shënoi 11,5 milionë kilogramë.
Burim: Ekonomia Online
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.