Pse vjen në Kosovë zyrtari i lartë i OKB-së Jean-Pierre Lacroix?
Zëvendëssekretari i Përgjithshëm i KB-së do të zhvillojë takime me liderët shtetërorë dhe shoqërinë civile për të diskutuar stabilitetin në rajon.
PRISHTINË — Zëvendëssekretari i Përgjithshëm i Kombeve të Bashkuara për Operacionet Paqeruajtëse, Jean-Pierre Lacroix, do të qëndrojë për vizitë zyrtare në Kosovë më 22 dhe 23 qershor. Gjatë qëndrimit në vend, zyrtari i lartë pritet të zhvillojë takime me zyrtarë të lartë të Kosovës.
Sipas njoftimeve, Lacroix do të takohet me partnerë ndërkombëtarë, përfaqësues të shoqërisë civile, si dhe me zyrtarë të Misionit të Kombeve të Bashkuara në Kosovë (UNMIK). Gjatë agjendës së tij, ai do të vizitojë edhe disa projekte që mbështeten nga Kombet e Bashkuara.
Sipas informacioneve nga UNMIK-u, diskutimet gjatë kësaj vizite do të fokusohen në paqeruajtjen e Kombeve të Bashkuara dhe në bashkëpunimin multilateral. Po ashtu, palët do të bisedojnë për mbështetjen e vazhdueshme për paqe dhe stabilitet në të gjithë rajonin.
Kjo vizitë në Kosovë është pjesë e një turi më të gjerë rajonal të zëvendëssekretarit të përgjithshëm të OKB-së. Pas përfundimit të takimeve në Prishtinë, Lacroix do të udhëtojë drejt Serbisë dhe Bosnje e Hercegovinës për të vazhduar vizitën e tij zyrtare.
Burim: Ekonomia Online
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.