Çfarë sjell ligji i ri për përfaqësim të drejtë pas 24 vitesh?
Pse e quan Sali zgjidhje historike dhe jo partiake?
SHKUP — Zëvendëskryeministri i parë dhe ministri për Çështje Evropiane, Bekim Sali, prezantoi në Kuvend Ligjin për përfaqësim të drejtë dhe adekuat, duke e cilësuar si "detyrim që del nga Marrëveshja e Ohrit dhe Kushtetuta".
"Për herë të parë, para këtij Kuvendi kemi një zgjidhje të cilin e shndërrojmë në ligj dhe kjo është arsyeja pse ky ligj ka rëndësi historike. Pas 24 vitesh, pra këtë parim po e shndërrojmë në ligj", ka thënë Sali.
Ai e hodhi poshtë balancuesin si "vetëm një bajpas", duke argumentuar se një e drejtë kushtetuese duhet të mbrohet me ligj dhe se përfaqësimi i drejtë duhet zgjidhur sistematikisht.
Sali theksoi se ligji është i harmonizuar me Komisionin e Venecias: "Nuk është zgjidhje partiake, por në përputhje me standardet evropiane." Ai shtoi se mekanizmi i krijuar do të kontrollojë zbatimin e tij.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.