Çfarë diskutoi Çitaku me Costan për vendin e Kosovës në Evropë?
Sekretarja e PDK-së takoi presidentin e Këshillit Evropian në prag të zgjedhjeve të 7 qershorit.
PRISHTINË — Sekretarja e përgjithshme e PDK-së, Vlora Çitaku, së bashku me shefin e kabinetit të kryetarit të partisë, Ardian Arifaj, ka takuar presidentin e Këshillit Evropian, Antonio Costa.
Takimi u zhvillua në prag të zgjedhjeve të 7 qershorit. Çitaku njoftoi se me Costan diskutuan sfidat që Kosova ka si shtet, si dhe potencialin dhe të ardhmen evropiane të vendit.
"Kosova duhet të vazhdojë rrugëtimin e saj me besim, stabilitet dhe partneritet të ngushtë me aleatët tanë evropianë", tha Çitaku, duke shtuar se vendi "e ka vendin në Evropë, jo vetëm gjeografikisht, por edhe politikisht, institucionalisht dhe në vlerat e përbashkëta që ndajmë".
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.