Çfarë pasoja mund të kenë dy inspektorët e ATK-së në Gjakovë për marrjen e ryshfetit?
Dyshohen se morën nga 300 euro ryshfet gjatë vitit 2022
GJAKOVË — Prokuroria Themelore në Gjakovë përfundoi hetimet dhe ka dorëzuar aktakuzë ndaj dy personave me inicialet D.N. dhe E.Q., të cilët dyshohen se kanë përfituar para në mënyrë të kundërligjshme gjatë ushtrimit të detyrës si inspektorë të Administratës Tatimore të Kosovës.
Sipas organit të akuzës, dy zyrtarët, duke vepruar së bashku në dy raste të ndara gjatë vitit 2022 në Gjakovë, kanë kërkuar dhe pranuar mjete financiare nga pronarë biznesesh, me qëllim që të mos ndërmerrnin veprimet që u takonin në kuadër të përgjegjësive zyrtare.
Dosja e rastit thekson se në secilin rast, D.N. dhe E.Q. kanë përfituar nga 300 euro në këmbim të mosveprimit në përputhje me obligimet e tyre ligjore. Burim: Gazeta Metro
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.