Pse thotë Donika Emini se Kosova s'po i ndihmon vetes në rrugën drejt BE-së?
Politologja Donika Emini thotë se pesë vendet mosnjohëse dhe mungesa e qeverisë legjitime e kanë lënë Kosovën pa partner të fortë brenda BE-së.
PRISHTINË — Politologja Donika Emini ka deklaruar se çdo vend i Bashkimit Evropian ka një anëtar që e shtyn përpara më shumë se të tjerët, por Kosova nuk ka arritur të krijojë një të tillë. “Ka mundur të ishte Gjermania, pasi ishte për një kohë shumë të shkurtër”, tha ajo në emisionin “Info Magazine” të Klan Kosova.
Sipas Eminit, pesë vendet mosnjohëse nuk janë të vetmja pengesë. Ajo theksoi se Kosova ka vonuar ratifikimin e planit të rritjes dhe se vizita e përfaqësueses së BE-së, Marta Kos, nuk mjafton pa qeveri legjitime. “Ne në Kosovë mund ta normalizojmë funksionimin me qeveri kujdestare, por në sytë e BE-së Kosova nuk ka qeveri”, tha ajo.
Emini shtoi se tri palë zgjedhje për më pak se dy vjet kanë krijuar vakuum që e ka vonuar reformimin e nevojshëm për integrim.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.