Pse nuk hyri Limaj në listë sipas Ismailit?
Nënkryetari i PDK-së thotë se koalicioni PAN i dëmtoi më së shumti partinë e tij dhe sinergjia 5-6 ditë para listave ishte e pamundur.
PRISHTINË — Nënkryetari i PDK-së, Uran Ismaili, ka deklaruar se Fatmir Limaj do ta kishte më të lehtë të bëhej pjesë e listës së PDK-së nëse procesi i bashkimit do të niste "nga baza". Ismaili, i ftuar në Debat Plus, ka thënë se koalicioni i njohur si PAN (PDK–AAK–Nisma) kishte dëmtuar më së shumti PDK-në.
"Deklarimet e Fatmirit ishin të kujdesshme. Koalicioni nuk ka ndodhur, sepse ne ishim duke u përgatitur për zgjedhje", ka thënë ai. Sipas Ismailit, krijimi i sinergjisë PDK-NISMA në ditët e fundit para dorëzimit të listave do të ishte i vështirë dhe do të prodhonte probleme brenda degëve të Malishevës dhe Prizrenit. "Ne, në vend se të merreshim me fushatën, do të ishte dashur të merreshim me shuarjen e zjarreve brenda degëve", ka shtuar ai.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.