Çfarë diskutoi Mickoski me Mexhitin e Kasamin për provimin në shqip?
Kryeministri maqedonas diskuton me bashkëkryetarët e VLEN-it kërkesën e studentëve shqiptarë për provim të jurisprudencës në gjuhën shqipe.
SHKUP — Kryeministri Hristijan Mickoski ka zhvilluar një takim pune me bashkëkryetarët e VLEN-it, Izet Mexhitin dhe Bilall Kasamin, njofton Qeveria e Maqedonisë së Veriut.
Në qendër të bisedës ka qenë kërkesa e studentëve shqiptarë që provimi i jurisprudencës të mbahet edhe në gjuhën shqipe. Studentët shqiptarë sot kanë organizuar një protestë të re në Shkup për mbrojtjen e gjuhës shqipe.
Sipas njoftimit zyrtar, palët theksuan se "vetëm përmes një qasjeje të përbashkët, të mençur dhe dinjitoze mund të arrihen zgjidhje që sjellin përparim". Bashkëbiseduesit u pajtuan se arsimi përbën "themelin e çdo shteti modern".
Qeveria thotë se institucionet po punojnë për zgjidhje "plotësisht në përputhje me Kushtetutën dhe Ligjin për përdorimin e Gjuhëve", me synim "sigurimin e sigurisë juridike dhe funksionalitetit".
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.