Pse Mickoski nuk pranon ndryshime kushtetuese pa garanci për negociatat me BE?
Kryeministri maqedonas kundërshton ndryshimet kushtetuese pa siguri se Bullgaria nuk do të shtojë kushte të reja.
SHKUP — Kryeministri Hristijan Mickoski ka ripërsëritur qëndrimin e Qeverisë së Maqedonisë së Veriut për negociatat me Bashkimin Evropian, një ditë para takimit me presidentin e Këshillit Evropian, Antonio Costa.
Mickoski deklaroi se nuk do të mbështesë "një aventurë pa një fund të caktuar" — duke kërkuar garanci se Bullgaria nuk do të parashtrojë kushte të reja në të ardhmen, nëse kryhen ndryshimet kushtetuese që kërkon BE-ja për vazhdimin e procesit.
"Për tre dekada e gjysmë kemi qenë dëshmitarë të aventurave dhe gjimnastikës politike dhe po qëndrojmë në të njëjtin vend", tha Mickoski. Ai shtoi se "pa OBRM-PDUKM-në kjo punë nuk mund të bëhet", duke akuzuar kundërshtarët politikë se "minojnë qëndrimet e Qeverisë".
Kryeministri theksoi se procesi është "rrugë me dy drejtime" dhe se kërkon "besim të ndërsjellë" midis palëve për të filluar bisedimet.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.