Çfarë ndryshime do të sjellë moti në Kosovë këtë javë?

PRISHTINË — Java e fundit e qershorit dhe fillimi i korrikut do të karakterizohen nga mot fillimisht i nxehtë, ndërsa nga mesi i javës pritet ulje e temperaturave dhe reshje lokale shiu të shoqëruara me rrufe. Kështu bëhet e ditur në njoftimin e Institutit Hidrometeorologjik të Kosovës (IHMK).

E hënë do të jetë dita më e nxehtë e javës, me diell dhe vranësira të pjesërishme. Temperaturat minimale do të jenë 15–18 gradë celsius, ndërsa maksimalet 32–38 gradë celsius.

Të martën parashihet mot i vranët me intervale dielli. “Gjatë pjesës së dytë të ditës pritet shtim i vranësirave, me reshje lokale shiu. Temperaturat minimale 15–18 gradë, maksimalet 32–35 gradë celsius” – thuhet në njoftim.

Të mërkurën moti do të jetë i ndryshueshëm dhe jostabil. Parashihet reshje lokale shiu me rrufe, ndërsa në zona të izoluara mund të ketë breshër dhe erëra të forta. Temperaturat minimale 15–18 gradë, maksimalet 30–34 gradë celsius.

Të enjten pritet mot kryesisht me diell, me reshje të izoluara në pasdite. Temperaturat minimale 14–18 gradë, maksimalet do të zbresin në 24–27 gradë celsius.

E premtja do të ketë diell dhe vranësira të shpërndara, me reshje të shkurtra lokale në zona të izoluara. Temperaturat minimale 13–16 gradë, maksimalet 25–28 gradë celsius.

IHMK rekomandon ujitje të rregullt të kulturave bujqësore për shkak të avullimit të lagështisë nga tokat. Reshjet e pritshme në mesin e javës do të përmirësojnë rezervat e lagështisë, por në zona me rrebeshe intensive mund të ketë dëmtime nga breshëri.

Për shkak të vapës së madhe në fillim të javës, IHMK këshillon personat me sëmundje kronike, të moshuarit dhe fëmijët të shmangin ekspozimin në diell gjatë orëve 10:00–17:00, të konsumojnë lëngje dhe të kufizojnë aktivitetet fizike në ambiente të hapura.

Burim: Kallxo, https://kallxo.com/lajm/vapa-kulmon-te-henen-nga-e-merkura-pritet-mot-i-ndryshueshem/
— Redaksia ZHURMA