Kur pritet të jetë gati autostrada Ohër-Kërçovë?
Zv. kryeministri maqedonas pret përfundim më të shpejtë të 57 km rrugë, pasi 37 km janë tashmë në funksion.
SHKUP — Zv. kryeministri dhe Ministri i Transportit, Aleksandar Nikolloski, deklaroi se autostrada Ohër-Kërçovë do të jetë e përfunduar brenda afatit të majit të vitit të ardhshëm, por pret që të jetë gati edhe më herët. Deri më tani, 37 kilometra nga gjithsej 57 kilometra janë vënë në funksion.
"Pres që gjatë verës të kemi kilometra të tjerë funksionalë", tha Nikolloski, duke shtuar se puna në terren po përparon mirë. Ai pranoi se projekti ka pasur probleme të shumta më parë, por që ato janë kapërcyer pasi qeveria iu përkushtua më seriozisht.
Nikolloski e krahasoi situatën me një pyetje "filozofike": autostrada ka qenë në ndërtim për 12 vjet, por "nuk është ndërtuar për më shumë se 2 vjet, nëse duam të jemi realistë".
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.