Çfarë tha drejtori i Doganave për kamionin nga Kosova që shkaktoi aksidentin në Shkup?
Boban Nikollovski thotë se automjeti që shkaktoi vdekjen e katër personave në Shkup i plotësonte të gjitha kushtet doganore.
SHKUP — Kamioni me targa të Kosovës që shkaktoi aksidentin fatal në unazën e Shkupit hyri në pikën kufitare të Bllacës i zbrazët dhe pa parregullsi në procedurën doganore, ka deklaruar Boban Nikollovski, Drejtor i Doganave të Maqedonisë, në një intervistë për "TV Telma".
"Gjithçka që lidhej me procedurën doganore për automjetin e mallrave dhe shoferin i plotësonte të gjitha kushtet e kërkuara për të kaluar nëpër atë pikë kalimi kufitar. Ajo që ndodhi më vonë është një rast që duhet të shqyrtohet nga institucionet e tjera shtetërore", tha Nikollovski.
Në aksidentin tragjik humbën jetën dirigjenti i Operas dhe Baletit Kombëtar, baritoni Riste Velkov, djali i tij 20-vjeçar Adam, dhe dy miq të tij të njëjtën moshë — Marko Gjorgjievski dhe Petar Milanov. Prokuroria ka caktuar paraburgim për shoferin e kamionit, shtetas të Kosovës.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.