Pse reagoi ashpër Vlora Çitaku ndaj deklaratës së Fitore Pacollit për Thaçin e Veselin?
Vlora Çitaku reagon ashpër ndaj deklaratës së Fitore Pacollit që listoi ish-udhëheqësit e luftës si kërcënim për Kosovën.
PRISHTINË — Vlora Çitaku, anëtare e Kryesisë së PDK-së, e ka quajtur "marri të llojit të vet" deklaratën e ministres në detyrë Fitore Pacolli se Lëvizja Vetëvendosje "e ka mbrojtur Kosovën" nga Hashim Thaçi, Kadri Veseli, Ramush Haradinaj dhe vetë Çitaku.
Pacolli bëri këtë deklaratë javën e kaluar në një emision televiziv, duke thënë: "Prej Isa Mustafës, prej Hashim Thaçit, prej Ramush Haradinajt, prej Kadri Veselit, prej Vlora Çitakut. Mundesh me kanë luftëtarë e masandej në paqe me vjedh." Videoja po qarkullon gjerësisht në rrjete sociale.
Në një prononcim për KlanKosova.tv, Çitaku tha se emri i saj "nuk meriton të përmendet në të njëjtën listë" me "heronjtë e gjallë" të Kosovës. "As për së afërmi kontributi im dhe i të tjerëve nuk është afër tyre. Është marri e llojit të vet me mendu që Kosovën duhet me e mbrojtë prej atyre që kanë qenë në gjendje me vdek për këtë vend," deklaroi ajo.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.