Çfarë përgatit PDK-ja për zgjedhjet e brendshme në shtator?

PRISHTINË — Partia Demokratike e Kosovës ka mbajtur të martën mbledhjen e rregullt të kryesisë, ku temë qendrore ishin përgatitjet për zgjedhjet e brendshme në të gjitha nivelet e organizimit, nga nëndegët deri te pozita e kryetarit.

Kryetari i PDK-së, Bedri Hamza, theksoi rëndësinë e një procesi "korrekt dhe transparent", duke garantuar "përmbajtje dhe standarde të larta demokratike në çdo hap të tij". U vendos formimi i një grupi punues që do të ketë përgjegjësi për përgatitjen teknike dhe ligjore të zgjedhjeve.

"Ky grup do të kujdeset për orientimin, mbarëvajtjen dhe strategjinë e përgjithshme, duke siguruar që zgjedhjet të zhvillohen në mënyrë të rregullt dhe të drejtë", thotë njoftimi i partisë. Afati i përcaktuar për fillimin e zgjedhjeve të brendshme është muaji shtator, "duke i dhënë kohë të mjaftueshme strukturave organizative për përgatitje të plotë dhe gjithëpërfshirëse". Kryesia riafirmoi përkushtimin për një proces "demokratik, të drejtë dhe përfaqësues, në përputhje me standardet dhe traditën politike të PDK-së".

PDK-ja vazhdon të jetë në opozitë pas zgjedhjeve të 9 shkurtit, ku VV-ja arriti 53 deputetë me votën e diasporës. Procesi i brendshëm zgjedhor vjen në një moment kur partia po rimodelon strukturat pas humbjes elektorale.

Burim: Zëri
— Redaksia ZHURMA