Pse përfundoi në spital një i dënuar në Burgun e Idrizovës?
Një përleshje fizike mes dy të dënuarve në Burgun e Idrizovës ka lënë të lënduar rëndë një person, i cili është dërguar në kompleksin klinik “Nënë Tereza”.
SHKUP — Në ambientet e Institucionit Ndëshkues-Përmirësues Burgu i Idrizovës është prishur rendi dhe qetësia publike pas një përleshjeje mes dy të dënuarve. Ngjarja ka ndodhur më 12 qershor 2026, rreth orës 19:15, ku janë përfshirë të dënuarit K.D. dhe B.M.
Si pasojë e kësaj përleshjeje, i dënuari B.M. ka pësuar lëndime të rënda trupore. Ai është transportuar urgjentisht në kompleksin e klinikave “Nënë Tereza” në Shkup, ku lëndimet e rënda janë konstatuar në Qendrën Urgjente.
Burgu i Idrizovës e ka raportuar rastin në SPB Shkup më 13 qershor 2026, në orën 01:47. Autoritetet kanë konfirmuar se po ndërmerren të gjitha masat e nevojshme policore për zbardhjen e plotë të rrethanave të këtij incidenti.
Burim: Tetova Sot
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.