Çfarë kërkon Prokuroria për 31-vjeçarin që vrau me makinë 19-vjeçarin?
I dyshuari drejtoi Audi A4 nën efektin e narkotikëve, kaloi vijën e dyfishtë dhe përplasi dy motoçikleta.
SHKUP — Prokuroria Themelore Publike e Shkupit ka kërkuar paraburgim për një 31-vjeçar që dyshohet se vrau një 19-vjeçar në një aksident trafiku në bulevardin “Nikola Karev”, në zonën e njohur si “rruga e plastikave”.
Sipas Prokurorisë, i dyshuari drejtonte një Audi A4 nën ndikimin e substancave narkotike. Në kryqëzimin me rrugën “Prohor Pçinski” ai kaloi mbi vijën e dyfishtë të plotë, hyri në korsitë e drejtimin të kundërt dhe përplasi dy motoçikleta — një BMW dhe një Honda HDV — që lëviznin paralelisht.
Drejtuesi i BMW-së pësoi lëndime të rënda dhe ndërroi jetë. Prokuroria propozoi paraburgim duke përmendur rrezikun e arratisjes, ndikimin te dëshmitarët dhe mundësinë e përsëritjes së veprës.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.