Pse paralajmëron Jeton Mehmeti për sulmet ndaj gazetarëve?
Raportet e AGK-së trajtojnë lirinë e medias, sigurinë e gazetarëve dhe gjuhën e urrejtjes në Kosovë.
PRISHTINË — Asociacioni i Gazetarëve të Kosovës (AGK) prezantoi tri raporte që trajtojnë disa prej sfidave kryesore të lirisë së medias në vend: lirinë e medias, sigurinë e gazetarëve dhe gjuhën e urrejtjes. Ish-kryetari i Komisionit të Pavarur të Mediave (KPM), Jeton Mehmeti, alarmoi për intensitet të shtuar të sulmeve ndaj gazetarëve.
I ftuar në debatin e emisionit “Rubikon” në Klan Kosova, Mehmeti theksoi se këtyre sulmeve u shtohet edhe rritja e teorive konspirative, të cilat plasohen pa prova. “Duhet të kemi kujdes që të mos e ndërtojmë një klimë në të cilën minimizohen apo dekurajohen mediat për të zhvilluar debate, të cilat janë pjesë e një demokracie sikurse që është e jona”, theksoi Mehmeti.
Burim: Gazeta Express, https://www.gazetaexpress.com/ish-kryetari-i-kpm-se-alarmon-ka-intensitet-te-shtuar-te-sulmeve-ndaj-gazetareve/
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.