Si do të rritet siguria e aviacionit civil me pajisjet e dhuruara nga SHBA?
Çfarë mundëson kompleti për 'Shqyrtimin e Kërcënimeve Inerte' i dhuruar nga Administrata e Sigurisë së Transportit e SHBA-ve?
TIRANË — Administrata për Sigurinë e Transportit e Shteteve të Bashkuita (TSA) i ka dorëzuar Autoritetit të Aviacionit Civil të Shqipërisë një komplet të posaçëm për “Shqyrtimin e Kërcënimeve Inerte”. Kjo dhuratë vjen në përmbyllje të një trajnimi pesëditor të zhvilluar nga ekspertët amerikanë në Tiranë.
Sipas Ambasadës së SHBA-ve, ky komplet do t’i mundësojë personelit të sigurisë të simulojë skenarë kërcënimesh të ngjashme me ato reale. Qëllimi është përmirësimi i aftësive për zbulim dhe reagim të shpejtë brenda një mjedisi të kontrolluar trajnimi, duke rritur kështu standardet e sigurisë në ajër.
Ky bashkëpunim përforcon marrëdhëniet afatgjata mes dy vendeve në fushën e sigurisë së aviacionit. Sipas njoftimit, ky kontribut konsiderohet i rëndësishëm për mbrojtjen e qytetarëve të të dyja vendeve, si brenda territorit të tyre, ashtu edhe jashtë tij.
Burim: ATSH
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.