Pse sistemi shëndetësor në Maqedoni po drejtohet drejt kolapsit?
LSDM akuzon Qeverinë e Maqedonisë për neglizhencë ndaj sistemit shëndetësor
SHKUP — Lidhja Socialdemokrate e Maqedonisë (LSDM) njoftoi se defekti në sallat kirurgjikale të Qendrës Klinike është një tregues i gjendjes së dobët në sistemin shëndetësor. Renata Mladenovska, anëtare e Këshillit Ekzekutiv të LSDM-së, deklaroi se për shkak të këtij defekti janë anuluar operacionet dhe ndërhyrjet e planifikuara më herët.
“Kur në sallat kirurgjikale nuk ka kushte për punë, nuk shtyhen vetëm operacionet, por edhe shpresat e pacientëve për shërim”, deklaroi Mladenovska. Ajo akuzoi Qeverinë e udhëhequr nga kryeministri Hristijan Mickoski dhe Ministrinë e Shëndetësisë për neglizhencë ndaj sistemit shëndetësor.
LSDM thekson se për dy vjet, VMRO-DPMNE e ka çuar sistemin shëndetësor drejt kolapsit. Janë anuluar ndërhyrjet në Klinikën e Traumatologjisë, Klinikën e Sëmundjeve Ortopedike, si dhe në repartet e Anesteziologjisë, Reanimacionit, Mjekimit Intensiv dhe Qendrës së Urgjencës.
Burim: Shenja
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.