Vol. I
Nr. 176
viti 2026 i pavarësisë
Shqipëria e shpall 'non grata' Ikballe Hudutin për 15 vjet
Pse Ministria e Brendshme e konsideron gruan nga Prizreni kërcënim për sigurinë kombëtare?
TIRANË — Ministri i Brendshëm Besfort Lamallari ka nxjerrë urdhrin për shpalljen e Ikballe Hudutit (Berisha) si "person i padëshiruar" në Shqipëri për 15 vjet. Vendimi bazohet në informacione të grumbulluara sipas të cilave veprimtaria e saj vlerësohet si kërcënim për sigurinë kombëtare dhe rendin publik.
Huduti ka lindur dhe është shkolluar në Prizren, ka mbaruar Medresenë dhe ka studiuar letërsi. Në Kosovë njihet si mbështetëse e islamit shiit, të shtrirë kryesisht në Iran e Irak. Urdhri i është dërguar Policisë së Shtetit dhe Drejtorisë së Kufirit dhe Migracionit për zbatim.
Burim: Gazeta Express
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.