Për çfarë e heton SPAK Igli Taren dhe si lidhet me dosjen Balluku?
Ish-drejtori sportiv i Lazios u paraqit sot në Prokurorinë e Posaçme; çështja lidhet me tenderët e rrugëve të ish-zëvendëskryeministres Belinda Balluku.
TIRANË — Igli Tare, ish-futbollist i Kombëtares së Shqipërisë dhe ish-drejtori sportiv i klubeve italiane Lazio dhe Milan, është vënë nën hetim nga SPAK për akuzën e pastrimit të parave. Tare u paraqit të enjten në Prokurorinë e Posaçme, ku iu komunikua statusi i personit nën hetim.
Sipas raportimeve të Top Channel, çështja lidhet me dosjen "Balluku". Më parë në SPAK për të dëshmuar në të njëjtën dosje është paraqitur edhe Agron Tare, vëllai i Igli Tares. Ish-zëvendëskryeministrja Belinda Balluku dyshohet nga SPAK për abuzime me tenderët e rrugëve, përfshirë tunelin e Llogarasë dhe lotet e Unazës së Madhe.
Tare e ka lidhur veprimtarinë e tij kryesisht me futbollin jashtë vendit, duke punuar vite me radhë në Serinë A italiane.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.