Vetaksidentohet në Drenas, policia gjen armë zjarri?
Pse u gjetën 20 fishekë në veturën e të dyshuarit?
DRENAS — Policia e Kosovës ka konfiskuar një armë zjarri të tipit AK-47 dhe 20 fishekë, pasi ato u gjetën në veturën e një personi që ishte vetaksidentuar në Drenas. Sipas raportit 24-orësh të Policisë, ngjarja ka ndodhur të dielën, rreth orës 23:00.
Gjatë intervenimit në vendin e aksidentit, zyrtarët policorë kanë zbuluar armën e zjarrit brenda automjetit të të dyshuarit. Arma dhe municioni janë konfiskuar, ndërsa i dyshuari, një mashkull kosovar, është intervistuar nga policia lidhur me rastin.
Me urdhër të prokurorit, ai është liruar në procedurë të rregullt, ndërsa ndaj tij është iniciuar rasti për veprën penale “Mbajtje në pronësi, kontroll ose posedim i paautorizuar i armës”.
Burim: Insajderi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.