Çfarë kërkoi kryenegociatori Zulfaj në Vjenë për statusin e vendit kandidat?
Kryenegociatori Jeton Zulfaj takoi ministrën austriake Claudia Bauer para Forumit Ekonomik të Vjenës.
VIENË — Kryenegociatori i Kosovës me Bashkimin Evropian, Jeton Zulfaj, takoi sot Ministren Federale për Evropë, Integrim dhe Familje të Austrisë, Claudia Bauer, para fillimit të Forumit Ekonomik të Vjenës.
Në takim u diskutua për momentumin e ri të zgjerimit të BE-së, progresin e Kosovës në reforma dhe rëndësinë e një procesi të bazuar në merita për vendet e Ballkanit Perëndimor. Zulfaj nënvizoi se Kosova është e gatshme për statusin e vendit kandidat dhe për hapjen e negociatave të anëtarësimit, duke theksuar se avancimi i Kosovës është në interes të saj, të BE-së dhe të sigurisë rajonale.
Zulfaj e falënderoi Bauer për mbështetjen e vazhdueshme të Austrisë për Kosovën dhe rolin e saj proaktiv në mbështetje të zgjerimit të BE-së.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.