Si trajnohen 65 policë të NJRSH për menaxhimin e turmave në Vrellë?
Drejtoria e Njësive Speciale Operative realizoi skenar praktik për 65 zyrtarë nga shtatë rajonet e Kosovës.
PRISHTINË — Në Kampin e Njësive Speciale në Vrellë është mbajtur prezantimi përmbyllës i trajnimit profesional “Ballafaqimi me turma”, i organizuar për 65 zyrtarë policorë të Njësisë për Reagim të Shpejtë dhe Siguri (NJRSH) nga shtatë rajone të Kosovës.
Trajnimi u zhvillua për zyrtarë nga Prishtina, Ferizajt, Peja, Gjakova, Gjilani, Mitrovica e Veriut dhe Mitrovica e Jugut. Programin e udhëhoqën instruktorët e Drejtorisë së Njësive Speciale Operative (DNJSO), me fokus në ngritjen e kapaciteteve për menaxhimin e situatave me turma dhe ruajtjen e rendit publik.
Në kuadër të aktivitetit u realizua një skenar praktik ku pjesëmarrësit demonstruan aftësitë operative në situata të ndryshme të sigurisë. Prezantimin e përcollën nga afër drejtues të lartë të Policisë së Kosovës, përfshirë drejtorin Gazmend Hoxha, i cili i përgëzoi zyrtarët për nivelin e lartë të profesionalizmit dhe theksoi “përkrahjen dhe mbështetjen e vazhdueshme ndaj zyrtarëve policorë e në veçanti të njësive të specializuara”.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.