Pse kërkon ambasada amerikane partneritet energjetik afatgjatë Kosovë-SHBA?
Anu Prattipati thotë se diversifikimi i energjisë përmes gazit natyror të lëngshëm është thelbësor për sigurinë kombëtare të Kosovës.
PRISHTINË — Ambasada e Shteteve të Bashkuara në Prishtinë ka ripërsëritur thirrjen e të Ngarkuarës me Punë, Anu Prattipati, që Kosova të përfshihet në projektet rajonale të gazit natyror të lëngshëm (LNG) të mbështetura nga Amerika.
Në editorialin e publikuar një ditë më parë, Prattipati shkroi se Kosova duhet t'i bashkohej projekteve amerikane të gazit të planifikuara nëpër Ballkan, duke e cilësuar këtë si "lidhje tjetër në partneritetin ekonomik në rritje ndërmjet SHBA-së dhe Kosovës." Ajo theksoi se "siguria energjetike është siguri kombëtare" dhe se "diversifikimi i energjisë përmes gazit natyror është thelbësor për të arritur një të ardhme të sigurt."
Prattipati çoi mesazh se Kosova duhet të veprojë shpejt, sepse ndërtimi i infrastrukturës së nevojshme do të kërkojë kohë. Ajo shtoi se Administrata e presidentit Donald Trump e ka prioritet kryesor uljen e varësisë së Evropës nga energjia ruse.
Burim: RTV21
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.