Pse denoncoi Berisha Krasniqin në polici?
Kreu i Partisë Liberale Egjiptiane pretendon se ministri në detyrë i Administrimit të Pushtetit Lokal po pengon votuesit në fshatin Brestovik.
PRISHTINË — Kryetari i Partisë Liberale Egjiptiane, Veton Berisha, e ka denoncuar në Policinë e Kosovës Elbert Krasniqin, kryetar të IRDK-së dhe ministër në detyrë i Administrimit të Pushtetit Lokal.
Berisha ka thënë se Krasniqi bashkë me sigurimin e tij ka qëndruar të dielën në fshatin Brestovik të Pejës, vendbanim i banuar me komunitetin egjiptian. Sipas tij, prezenca e ministrit ka të bëjë me "pengimin e daljes së njerëzve për të votuar".
Në një deklaratë, Berisha ka thënë se ka marrë telefonata në orën 08:15 dhe se ka "siguruar pamje" të incidentit. Ai e ka quajtur veprimin "të papranueshëm" dhe ka pohuar se është bërë "shkelje e procesit zgjedhor dhe kodit të sjelljes në ditën e votimit".
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.