Si e tradhtoi ChatGPT-ja Komunën e Mitrovicës në postimin zyrtar?
Fraza tipike e AI-it — "Ja një version i lajmit në stil institucional" — u shfaq e hapur në faqen zyrtare të komunës.
MITROVICË — Komuna e Mitrovicës u kap duke i besuar ChatGPT-së hartimin e postimeve zyrtare, pasi njoftim zyrtar u botua me gjurmën e modelit gjuhësor të hapur brenda tekstit.
Incidenti doli në shesh gjatë njoftimit për vizitën e nënkryetarit Enis Osmani dhe drejtoreshës së Shëndetësisë, Albina Kastrati Rama, në Qendrën Kryesore të Mjekësisë Familjare (QKMF). Versioni i parë i postimit mbante, fjalë për fjalë, frazën: "Ja një version i lajmit në stil institucional" — konfirmimi tipik me të cilin ChatGPT-ja i paraqet autorit tekstin e sugjeruar, i cili duhej të fshihej para botimit.
Pas zbulimit, komuna botoi një version të korrigjuar ku shfaqet vetëm përmbajtja lidhur me vizitën e zyrtarëve në QKMF; fraza e ChatGPT-së nuk shfaqet në versionin e ri.
Fakti që teksti i ChatGPT-së arriti i pa redaktuar te publiku tregon se postimi nuk pësoi asnjë kontroll editorial para botimit.
Burim: Lajmi.net
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.