Çfarë sjell albumi i parë solo i Majkut, «Qielli o kufi»?
Me shtatë këngë dhe bashkëpunime me Lyrical Son, Nasty D e Loren, Majk e lëshon projektin e tij të parë solo në Spotify dhe YouTube.
PRISHTINË — Reperi Majk ka shënuar një moment të rëndësishëm në karrierën e tij muzikore: albumi i parë solo, i titulluar «Qielli o kufi», doli sot në platformat Spotify dhe YouTube me shtatë këngë origjinale. Projekti bëhet menjëherë i qasshëm për fansat anembanë.
Albumi hapet me titulloreshën «Qielli o kufi», e ndjekur nga «Te Quiero» — bashkëpunim me Lyrical Son, DJ PM dhe Dagz. Vijojnë «Azul & Don Julio», «Jolie» dhe «Lakmove» — ky i fundit realizuar bashkë me Nasty D.
Projekti mbyllet me «Superman» dhe «Dashni 2», kjo e fundit bashkëpunuar me Loren. I njohur si njëri nga reperët më të suksesshëm dhe më të dashur të skenës hip-hop në trojet shqiptare, Majk ka ndërtuar ndër vite karrierën e tij me hite dhe bashkëpunime të shumta. «Qielli o kufi» shënon herën e parë që ai del me album të plotë si solist.
Burim: Demokracia
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.