Delegacion i Kongresit amerikan viziton për herë të parë Luginën e Preshevës
Ardita Sinani e quan moment historik vizitën e udhëhequr nga Keith Self, kryetar i Nënkomitetit për Evropën.
PRESHEVË — Kryetarja e Komunës së Preshevës, Ardita Sinani, ka njoftuar se për herë të parë në histori, një delegacion zyrtar i Kongresit të Shteteve të Bashkuara do të vizitojë Luginën e Preshevës. Delegacionin e udhëheq Keith Self, kryetar i Nënkomitetit për Evropën në Komisionin për Punë të Jashtme të Kongresit Amerikan.
"Mirë se vini në Luginën e Preshevës. Presheva mirëpret delegacionin e Kongresit Amerikan. Një moment historik për Luginën", ka shkruar Sinani në Facebook.
Ish-deputeti i Kuvendit të Kosovës, Faton Bislimi, ka komentuar se vizita nuk erdhi rastësisht, por është rezultat i pothuajse dy dekadave punë, takimesh në Washington DC, letrash nga kongresistë e senatorë amerikanë, brifingjesh në Senat dhe rezolutave për ta ngritur zërin e shqiptarëve të Luginës.
Burim: Zëri, http://www.zeri.info/aktuale/623836/sinani-presheva-mirepret-delegacionin-e-kongresit-amerikan/
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.