Çfarë reformash tatimore diskutoi delegacioni i Bosnjës në ATK?
Përfaqësues nga Administrata Tatimore e Federatës së Bosnjë dhe Hercegovinës takuan Mentor Hysenin për shkëmbim përvojash mbi digjitalizimin.
PRISHTINË — Drejtori i përgjithshëm i Administratës Tatimore të Kosovës, Mentor Hyseni, ka pritur një delegacion nga Administrata Tatimore e Bosnjë dhe Hercegovinës. Takimi u zhvillua në kuadër të bashkëpunimit ndërinstitucional dhe shkëmbimit të përvojave profesionale në fushën tatimore.
Delegacionin e kryesoi Admir Omerbasic, ushtrues detyre i Drejtorit të Administratës Tatimore të Federatës së Bosnjë dhe Hercegovinës, i shoqëruar nga Sabahudin Ibrahimagic, udhëheqës i Zyrës Kantonale Tatimore të Zenicës, dhe Muamer Dautbegovic, udhëheqës i Sektorit për Inspektime, Njoftime dhe Hetime.
Të dyja palatë diskutuan për bashkëpunimin ndërkombëtar tatimor, menaxhimin e borxheve tatimore, si dhe procesin e digjitalizimit dhe zhvillimet teknologjike në ATK. U prezantuan praktikat institucionale të secilës administratë, me theks në avancimin e proceseve tatimore dhe rritjen e efikasitetit operacional.
Përfaqësuesit e ATK-së vlerësuan shkëmbimin rajonal si faktor që ndikon në modernizimin e administratave tatimore dhe përmirësimin e shërbimeve për tatimpaguesit.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.