Pse po paralajmëron Drejtoria e Bujqësisë në Malishevë fermerët për subvencionet 2026?
Drejtoria kërkon që fermerët të mos u besojnë zërave në rrjete sociale për hapjen e afatit të aplikimit.
MALISHEVË — Drejtoria e Bujqësisë në Komunën e Malishevës ka njoftuar fermerët se Ministria e Bujqësisë, Pylltarisë dhe Zhvillimit Rural ende nuk e ka hapur afatin për aplikim për subvencionet për vitin 2026.
Përmes një njoftimi publik, drejtoria u ka bërë thirrje fermerëve që të mos marrin për bazë informatat e pakonfirmuara që qarkullojnë në rrjetet sociale apo burime jozyrtare. “Sapo të hapet thirrja zyrtare për aplikim, do të njoftoheni me kohë përmes kanaleve zyrtare të informimit”, thuhet në njoftim.
Drejtoria ka kërkuar që çdo informacion lidhur me subvencionet të ndiqet vetëm nga burimet zyrtare të ministrisë.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.