Kush janë tre talentet e rinj që Foda grumbulloi për miqësoret e Kosovës?
Trajneri gjerman i Kombëtares së Kosovës premton se Shabanhaxhaj, Nivokazi dhe Matoshi do të kenë mundësinë të dëshmojnë ndaj Çekisë dhe Andorrës.
PRISHTINË — Përzgjedhësi i Kombëtares së Kosovës, Franco Foda, ka publikuar listën me 25 futbollistë për dy ndeshjet miqësore të qershorit: në udhëtim ndaj Çekisë më 31 maj dhe kundër Andorrës një javë më vonë në stadiumin 'Fadil Vokrri'.
Tekniku gjerman ka ftuar tre emra të rinj: Valmir Matoshin, Dardan Shabanhaxhajin dhe Rilind Nivokazin. Foda ka thënë se i ka vëzhguar nga afër lojtarët, madje duke qenë i pranishëm në ndeshjet e FC Lugano. "Tre prurjet e reja i kam vëzhguar në ndeshjet e tyre dhe kam qenë edhe në FC Lugano. Më kanë lënë përshtypje të mirë gjatë paraqitjeve të tyre dhe pikërisht për këtë shkak i kam ftuar", ka deklaruar ai. "Tani është koha që ata të tregojnë veten dhe të zënë vend në ekipin kombëtar të Kosovës."
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.