Çfarë diskutoi Gashani me drejtuesit e ICMG-së për "Prishtina 2030"?
Ministri i Sportit diskutoi progresin dhe projektet infrastrukturore me presidentin e Lojërave Mesdhetare.
PRISHTINË — Ministri i Sportit dhe Rinisë, Blerim Gashani, të hënën ka pritur në takim presidentin e lojërave mesdhetare “Prishtina 2030” dhe njëherësh presidentin e Komitetit Olimpik të Maltës, Julian Pace Bonello, si dhe sekretarin e përgjithshëm të ICMG-së, Iakovos Filippousis.
Takimi u zhvillua në kuadër të koordinimeve për organizimin e Mediterranean Games “Prishtina 2030”, një prej projekteve më të mëdha sportive në historinë e Kosovës. Sipas Gashanit, u trajtuan progresi i deritanishëm, projektet infrastrukturore dhe promovimi ndërkombëtar i vendit.
“Prishtina 2030 është më shumë se një organizim sportiv. Është dëshmi e vizionit, bashkëpunimit dhe ambicies së Kosovës për t’u rreshtuar denjësisht në hartën ndërkombëtare të sportit”, ka deklaruar ministri.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.