Çfarë kërkon ambasadori Hargreaves për të shmangur zgjedhjet e reja?
Ambasadori britanik kërkon kompromis politik pas zgjedhjeve për të parandaluar bllokadën institucionale.
PRISHTINË — Ambasadori i Britanisë së Madhe, Jonathan Hargreaves, u takua sot me ushtruesen e detyrës së presidentes së Kosovës, Albulena Haxhiu. Ai theksoi rëndësinë që kuvendi i ri ta zgjedhë presidentin pas zgjedhjeve të 11 qershorit, për të shmangur zgjedhje të tjera dhe humbjen e mundësive për vendin.
"Theksova nevojën që partitë politike të bëjnë kompromis për të shmangur një skenar të tillë", ka shkruar Hargreaves në një postim pas takimit. Skenari që ai kërkon të parandalohet i referohet periudhës së bllokadës institucionale kur Kosova mbeti pa president të zgjedhur.
Gjatë takimit me Haxhiun, i cili zhvillohet në prag të zgjedhjeve të parakohshme parlamentare, ambasadori diskutoi edhe për "abuzimin e tmerrshëm" ndaj grave politikane në rrjetet sociale. Të dy shpresuan që liderët partiakë ta bëjnë të qartë se ky fenomen është i papranueshëm.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.