Kur dalin shtesat 100 euro për fëmijë e pensionistë sipas Hotit?
Ministri në detyrë Andin Hoti njofton ekzekutimin e pagesave të njëhershme, ditën pasi u transferuan 500 euro për lehonat.
PRISHTINË — Ministri në detyrë i Ministrisë për Punë dhe Familje, Andin Hoti, ka njoftuar se sot ekzekutohen pagesat e njëhershme prej 100 eurosh për fëmijë dhe pensionistë. “Njoftojmë qytetarët se pagesa e njëhershme prej 100 eurosh për fëmijë dhe pensionistë dalin sot, ngase dje u ekzekutuan pagesat e njëhershme për lehonat me rritje në vlerën 500 euro”, tha Hoti për Dukagjinin.
Këto pagesa vijnë nga Pakoja për përballje me inflacionin 2.0, e miratuar nga Qeveria në detyrë e Kosovës në mbledhjen e fundit. Sipas ministrit, nga kjo pako përfitojnë mbi 400 mijë fëmijë dhe mbi 300 mijë skema pensionale, përfshirë kategoritë e luftës dhe personat me nevoja të veçanta.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.