Si synon Hoxha t'i japë fund deponive ilegale me sistemin rajonal të mbeturinave?
Ministri i Mjedisit prezanton hapat konkretë të reformës, nga qendrat rajonale te ekonomia qarkulluese.
PRISHTINË — Ministri i Mjedisit Jetësor dhe Planifikimit Hapësinor, Muamet Hoxha, tha sot se vendosja e sistemit rajonal për menaxhimin e mbeturinave po kalon nga fjalë në vepra konkrete. Në një panel-diskutim mbi ekonominë qarkullore, Hoxha njoftoi se po ndërtohen qendrat e para rajonale, stacione transferimi dhe se komunat po pajisen me mekanizëm bashkëkohor.
Qëllimi i reformës, sipas tij, është t'i japë fund deponive ilegale dhe mënyrës së vjetruar të trajtimit të mbeturinave. Hoxha theksoi se shteti duhet të kalojë gradualisht nga modeli i deponimit drejt ekonomisë qarkulluese, ku mbeturinat trajtohen si resurs. Ai shtoi se janë siguruar mjete financiare dhe mbështetje ndërkombëtare, por suksesi varet nga koordinimi me komunat dhe vetëdija publike. "Kjo është një përgjegjësi ndaj gjeneratave të ardhshme dhe ndaj natyrës që duhet ta ruajmë", deklaroi ai.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.